مايو 29, 2020
99 Views
0 0

الحرب على الإسلام أوعلى النفط ؟

Written by

فعلا في 50 سنة الاخيرة اعنف الحروب و الثورات كانت في الشرق الاوسط، الحرب الأهلية في شمال اليمن 1966، الثورة الكردية 74 و شيعة العراق 79 ، المسجد الكبير ف السعودية 79، حرب العراق و ايران 1980، حرب الخليج الاولى 1990، ثورة الاكراد في العراق 91، جرب الخليج الثانية 2003 و حرب اليمن 2009…
والسبب لا يخفى على أحد … دول الخليج كنتنج 36% من نفط العالم … و 5 دول في الشرق الاوسط كاينة من بين 25 أغنى دول العالم و اغنى شركة في العالم و الاكثر ربح هي “ارامكو السعودية” لي سجلات 111 مليار دولار في 2018 …
في الستينيات ، هاد الدول المنتجة او المصدرة للبترول دارو مايسمى ب اوبيك باش يتحكمو في اسعار النفط و العرض … في الحقيقة منظمة “كارتيل” لضبط الاسعار… الاعضاء الاولين هم ايران و العراق و الكويت و السعودية، ولكن الفلوس الكثيرة لي صورو هاد المساخيط مستثمروهاش فشعوبهم بالعكس ماكاين غير الطونوبيلات و القصورة و القصاير و الزهو و التسلح… وبقاو كيصورو الفلوس و يطبوها حتى 1973 في الصدمة النفطية الاولى ، الدولار طاحن القيمة ديالو و دول الاوبيك جاتهم ازمة مالية.
لكون العقود ديال البترول كلها كتكون بالدولار… فرضات دول اوبيك من بعد حظر عل صادرات النفط الى الولايات المتحدة و اوروبا العربية و اليابان باش ترتافع الاسعار، في الولايات المتحدة طلع البرميل من 3 دولار الى 11.5 دولار، وبدات كتعاني الدول الغربية من الركود الاقتصادي.

وبطريقة غريبة بدأت المشاكل كا بين اعضاء الأوبيك، واتزادت الشكوك و الاسرار خصوصا عن كمية النفط لي كينتجوها وعن حجم الاحتياطيات ديالهم من النفط.

وفي نفس الوقت بدات المشاكل مابين العراق و ايران. و وجات ثورة اية الله خامنئي في ايران، وصدام ماعطلهمش، خايف من الثورة تمتد للعراق. اما اية الله كان كيعتبر صدام طاغية و جشع.
فلوس النفط ديال العراق و ايران مشاو في الطائرات و الصواريخ و في حرب مدتها 8 سنوات، ماتو فيها الملايين من المسلمين و ضاعت فيهم مئات الملايير من الدولارات.
وفي وقت الحرب، نقص ثمن البترول بزاف و الغرب عوض على النقص في ايام اللومباركو لي دارو عليهم العرب.
وفي نفس الوقت، الغرب فهم بأنه مدمن على نفط العرب وبدات كتقلب على مصادر اخرى.
الاوبيك خوفا من تراجع اسعار النفط، نقصات من الانتاج ديالها… سعر انخافض من 36 دولار للبرميل ف 1980 الى 14 دولار ف 1986 بسبب انخفاض الطلب.
بويكوت عالمي على اوبك لي كانت 49% في 1970 الى 28% سنة 1985.
في سنة 1991، دخل صدام على دولة الكويت بدريعة ان الكويتيين كيتلاعبو بحصص ديالهم في النفط و بأن حقولهم النفطية ديال العراق. ولهذا قرر الغرب التدخل…وهادشي باش يحميو المعروض الغربي من النفط. قوات التحالف الغربي بقيادة “الولايات المتحدة” كانت من اكبر قوات الغزو في التاريخ… رجعات الكويت للكويتيين و صدام بقى في الحكم …
من بعد 11سبتمبر، الولايات بغات تستعرض عضلاتها، رغم ان غالبية من قام بالعمليات الارهابية هم سواعدة، ولكن السعودية صاحبة تاكبر احطياتي ميمكنش يتلاعبو بالاستقرار ديالها، قام الرئيس الامريكي تحت سبة مالك مزغب و اسلحة الدمار الشامل بغزو العراق و اعدام صدام …
اما اليوم، فأمريكا وحلفتء ديالها كايديرو مابغاو في الشرق الاوسط …

لكن اكبر خاسر في القصة هو … الشعوب العربية، عايشين في الشك والخوف… والسبب باين …النفط

في 2012 مني بدا الخريف العربي و صل ثمن البترول ل 110 دولار. 10 دول عربية كتمتالك 48% من احتياطيات النفط في العالم. السعودية عندها 17.2% و إيران 9% والعراق 8.5% والكويت 5.9%

رغم ان الامر كيبان بحال الاوبيك مسيطرين على الوضع انما في2008 وقع تغيير ، كنب بدات ثورة التكسير في امريكا.

التكسير هو لقل للتوسيع الهيدروليكي، كيبقاو ينقبو حتى كيوصلو طبقة صخرية غنية بالطاقة، وكيضخو مزيج مضغوط من الماء و المواد الكيميائية لي كيخلي الزيت و الغاز الطبيعي من الصخور.

من هاديك اللحضة ولات الولايات المتحدة اكبر منتج فردي للنفط و فات دول الشرق الاوسط.
وفي نفس الوقت بزاف الدول بداو كيبعدو من البترول مني عرفو دور الوقود الاحفوري ف تغيير المناخ.

https://geekkech.ma

Informaticien basé et né à Safi, d'origine Marrakech. Founder de Geekkech et serial startuper, ce site web régional est le minimum qu'on puisse offrir à la perle de l'ocean.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


The maximum upload file size: 128 MB.
You can upload: image, audio, video, document, text, other.
Links to YouTube, Facebook, Twitter and other services inserted in the comment text will be automatically embedded.